Can Yaman, aktori i dashur për publikun dhe protagonisti kryesor i serialit “Sandokan”, i cili së shpejti do të transmetohet në televizionin kombëtar Vizion Plus, ka zbuluar në një intervistë për mediat italiane se ka origjinë shqiptare.
Yaman theksoi se nëna e tij është me origjinë nga Kosova, ndërsa babai i përket diasporës shqiptare që ka mbërritur herët në Turqi.
“Jam rritur në Suadiye, një lagje rezidenciale në pjesën aziatike të qytetit, me fusha futbolli e basketbolli për djemtë. Është një zonë e banuar nga emigrantë të gjeneratës së dytë e të tretë, si gjyshërit e mi me origjinë kosovare e shqiptare, që kishin ardhur në Turqi gjatë luftës. Ata mes tyre flisnin shqip”, u shpreh ai.
I pyetur nëse di të flasë shqip, aktori tha se jo.
“Jo! Babai ka lindur në Turqi dhe unë jam rritur si një djalë tipik i Stambollit, edhe pse mes njerëzve nga kudo. Nuk na habisin kulturat e ndryshme, ato janë pjesë e historisë së Perandorisë Osmane. Turqia ka shumë migrantë dhe vendndodhja jonë mes Lindjes, Europës dhe Afrikës së Veriut ndikon shumë në këtë. Si i rritur, mund të zgjedhësh vetë nëse do të jesh më perëndimor apo më lindor”, deklaroi ai.
Aktori po korr sukses të jashtëzakonshëm në Rai Uno me “Sandokan” dhe karriera e tij është padyshim në lulëzim.
Can Yaman pritet të bëhet pasardhësi i Kabir Bedit, yllit indian që e interpretoi dikur Sandokan-in në një prej serive më të ndjekura në Itali, serial që së shpejti do të vijë edhe për publikun shqiptar në televizionin Vizion Plus.
