Ekipi i Çairit arriti një fitore ndaj Feniks me rezultat 85-82, në një ndeshje interesante dhe deri në fund të pasigurt, ku të dy ekipet patën mundësi për të fituar, por vendasit i shfrytëzuan shanset e tyre për të arritur tek triumfi.
Kyçe ishin minutat e fundit, kur Feniks arriti dy herë të barazonte rezultatin, pavarësisht se ishte në disavantazh për pjesën më të madhe të ndeshjes. Feniks arriti në 82-82, dhe më pas vendasit realizuan një gjuajtje dhe një gjuajtje të lirë shtesë për epërsinë prej +3.
Feniks pati sulmin e fundit, por nuk arriti të realizojë një gjuajtje për tre pikë, gjë që në fund kontribuoi në gëzimin e vendasve dhe triumfin e ekipit të Çairit.
Më efikasi ishte Divante-Muris, i cili realizoi 32 pikë dhe pikërisht ai realizoi gjuajtjen e lirë vendimtare për triumfin. Te Feniks, më efikasi ishte Bertrand me 20 pikë.
