Nazim Bushi, ish-komandant i UÇK-së dhe ish-ministër i Punëve të Brendshme në Maqedoninë e Veriut, ka reaguar lidhur me protestën paqësore që do të mbahet më me 13 dhjetor 2025 në Shkup, të organizuar në mbështetje të udhëheqësve të UÇK-së. Ai e ka cilësuar këtë protestë si një moment me rëndësi të veçantë kombëtare, ku zëri i bashkuar i shqiptarëve merr peshë dhe jehonë.
Në statusin e tij, Bushi theksoi se është koha që të dëshmohet uniteti, i cili, sipas tij, është më i fortë se çdo ndarje politike.
Ai vuri në pah rëndësinë që mesazhi nga Shkupi të dëgjohet edhe në arenën ndërkombëtare, duke shtuar se kjo është një mundësi për të treguar se shqiptarët qëndrojnë krah për krah kur preken çështjet thelbësore kombëtare.
“Le të jemi të pranishëm, të qetë dhe të bashkuar”, u shpreh Bushi, duke bërë thirrje për pjesëmarrje paqësore dhe dinjitoze në protestë.
Ne vazhdim statusin e plotë në fb:
Protesta paqësore e organizuar në mbështetje të udhëheqësve të UÇK-së është një moment i rëndësishëm kombëtar, ku zëri ynë i bashkuar ka peshë dhe jehonë.
Është koha të tregojmë se uniteti ynë është më i fortë se çdo ndarje politike. Mesazhi që përcillet nga Shkupi ka rëndësi të veçantë në arenën ndërkombëtare dhe është një mundësi për të dëshmuar se shqiptarët qëndrojnë krah për krah kur preken çështjet e tyre themelore.
Le të jemi të pranishëm, të qetë, dhe të bashkuar.
