Kandidati për kryetar të Komunës së Çairit, Bujar Osmani, rikujtoi se gjatë gjithë karrierës së tij politike ka sjellë projekte që i dhanë jetë dhe dinjitet kësaj komune. Ai theksoi tre arritje që do ta shënjojnë përgjithmonë të ardhmen e Çairit:
•Gjinekologjia e re në Çair; Nga një skelet betoni i braktisur, me iniciativën e tij u shndërrua në një qendër moderne, vendi ku fillon jeta.
•Kopshti modern “Bambi”; Pavarësisht rezistencës së madhe, Osmani arriti të sigurojë ndërtimin e kopshtit më të madh në Çair, i cili sot është simbol i këmbënguljes dhe kujdesit për fëmijët.
•Universiteti “Nënë Tereza”; Me negociata të drejtpërdrejta me ushtrinë, Osmani siguroi 5.000 m² në zemër të Çairit për të ngritur shtëpinë akademike të gjeneratave të ardhshme.
“Trashëgimia ime nuk janë fjalët, por veprat: gjinekologjia, kopshti dhe universiteti. Kjo është rruga e Çairit – nga lindja, tek edukimi dhe deri te arsimi i lartë,” theksoi Osmani.
Ai përfundoi:
“Trashëgimia më e madhe është t’i japësh çdo fëmije një vend ku të lindë, një vend ku të rritet dhe një vend ku të mësojë. Me këto projekte, Çairi bëhet komunë e dinjitetit, zhvillimit dhe mundësive të barabarta për të gjithë.”
