Pas më pak se 3 muajsh do të ngrejë siparin kompeticioni më i rëndësishëm futbollistik, Botërori i SHBA, Meksikës dhe Kanadasë. Bëhet fjalë për edicionin e parë që do të jetë me 48 skuadra, për herë të parë do të luhet në 3 shtete dhe këto ditë për Kombëtaren shqiptare, Kosovën dhe të gjitha skuadrat e tjera që ende nuk e kanë siguruar kualifikimin, këto ditë do të jenë ditët e së vërtetës.
Botërori do të nisë në 11 qershor me ndeshjen hapëse që do të luhet në stadiumin Azteca në Mexico dhe do të mbyllet në 19 korrik me finalen që do të luhet në MetLife Stadium të Neë Yorkut
Aktualisht janë 42 skuadra të kualifikuara dhe mes tyre janë edhe Kepi i Gjelbër, Curaçao, Jordania dhe Uzbekistan që marrin pjesë për herë të parë në fazën finale të një botërori. Po kështu është kualifikuar edhe Irani, por prania e këtij të fundit në Kupën e Botës është në rrezik për shkak të shpërthimit të luftës. Mbeten për t’u përcaktuar 6 skuadra; 4 nga zona UEFA që do të luajnë ndeshjet e tyre të playoffit këto ditë me Kombëtaren shqiptare që fillimisht do të luajë me Poloninë e më pas në rast fitore do të përballet me Suedinë ose Ukrainën. E njëjta histori edhe për Kosovën që do të luajë fillimisht me Sllovakinë e më pas me Turqinë ose Rumaninë. Ndërsa dy skuadrat e tjera do të dalin nga sfidat playoff të FIFA.
Playoff i Evropës
Rrugëtimi A UEFA: 26 mars , Itali-Irlanda e Veriut dhe Uells-Bosnje. 31 mars: fituesja Itali/Irlandë e Veriut me fituesen Uells/Bosnje
Rrugëtimi B UEFA: 26 mars, Ukrainë-Suedi dhe Poloni-Shqipëri. 31 mars: fituesja Ukrainë/Suedi me fituesen Poloni/Shqiëri.
Rrugëtimi C UEFA: 26 mars, Turqi-Rumani dhe Sllovaki-Kosovë. 31 mars: fituesja Turqi/Rumani me fituesen Slovaki/Kosovë.
Rrugëtimi D UEFA: 26 mars, Danimarkë-Maqedoni e Veriut dhe Çeki-Irlandë. 31 mars: fituesja Danimarkë/Maqedoni e Veriut me fituesen Çeki/Irlandë.
Playoff interkontinental
Në këtë turne janë 6 skuadra që përballen për 2 vende të mundshme; marrin pjesë 2 skuadra nga CONCACAF e nga 1 kuadër nga AFC, CAF, CONMEBOL e OFC dhe ekipet në fjalë janë: Bolivia, Republika Democratike e Kongos, Irak, Xhamaica, Kaledonia e Re dhe Suriname, ndërsa Guadalajara dhe Monterrey janë qytetet që do të presin këto ndeshje që kanë këtë kalendar:
26 mars 2026: Kaledonia e Re-Xhamajkë. 31 mars 2026: RD e Kongos me fituesen e Kaledonia e Re-Xhamajkë.
26 mars 2026: Bolivi-Surinam. 31 mars 2026: Irak me fituesen Bolivi-Surinam.
Skuadrat fituese të finaleve do të kualifikohen për në fazën finale të Botërorit të kësaj vere
