Maqedonia e Veriut radhitet në vendet më të larta për humbjen e ujit në rajon. Këtë e konfirmoi kryetari i Komisionit Rregullator të Energjetikës, Marko Bislimovski, i cili tha se vendi jonë ka një humbje të ujit prej 62 për qind në nivel shteti. Por, Bislimovski premtoi se ata do të investojnë në kompanitë e ujit duke përmirësuar efikasitetin e kompanive, dhe në këtë mënyrë, sipas tij, nuk do të ketë rritje të çmimeve për shërbimet e ujit.
“Ne si komision rregullator për energjetikë disa herë kemi thënë se nuk ikim nga përgjegjësia, dhe jemi të gatshëm të përcaktojmë çmimin përfundimtar për të gjitha shërbimet e ujit. Garantojmë se do ta përmisojmë efikasitetin e kompanive, do të mundësojmë investime më të mëdha, dhë do ta reduktojmë humbjen e ujit në nivel të shtetit, dhe më pas nuk do të ketë çmime shokuese. Domethënë me zvogëlimin e humbjes së ujit, do të rriten sasit që do të faktorizojnë, dhe në këtë mënyrë nuk do të ketë asnjë nevojë për rritjen e çimit për shërbimet e ujit”, deklaroi Marko Bislimovski, KRRE.
Bislimovski gjtihashtu foli edhe për energjinë elektrike, i cili tha se nuk pret që tarifa e rrjetit të energjisë të ulet këtë verë sepse nuk janë krijuar kushtet ektreme për ta bërë këtë, por pret që nga 1 janari kur çmimi i saj duhet të përcaktohet, por e njëjta të zvogëlohet.
“Tarifa e rrjetit është përcaktuar aktualisht deri në fund të vitit. Çmimi i tarifave të rrjetit do të përcaktohet në fund të dhjetorit sipas metodologjisë, nëse nuk ka ndryshime dramamatike, por nëse ka, do ta bëjmë më herët. Nga 1 janari do të shohim nëse do të reduktohen humbjet. Do të kemi një qeveri të re, ndoshta do të ketë ndryshime në politikë, kështu që është e mundur që të ulet edhe tarifa e rrjetit”, deklaroi Marko Bislimovski, KRRE.
Ndërsa, në lidhje me qëndrimin e përfaqësuesve nga industria e furrës se ata në masë të madhe varen nga prodhimi vendor, dhe me rritjen e rrymës do të rritet edhe çmimi i bukës, Bislimovski tha se kompanitë e furrave janë të obliguara ligjërisht të sigurojnë energji elektrike në tregun e lirë dhe se ato nuk duhet të furnizohen nga EVN Home.
