Kryetari i Tetovës, Bilall Kasami ka njoftuar se ka nënshkruar vendimin për emërimin e Albi Qamilit si Zëvendës Kryetar i komunës së Tetovës, raporton Alfax.mk
“Albi Qamili është i diplomuar në shkencat politike dhe aktualisht ndjek studimet master në të drejtën kushtetuese.
Ai vjen në këtë pozitë me një legjitimitet të fuqishëm elektoral, si i pari i listës fituese të VLEN-it për këshilltarë komunalë në Tetovë.
Me këtë vendim, dua të dërgoj edhe porosinë e qartë dhe të drejtpërdrejt, se si Kryetar i Tetovës e çmoj rininë e këtij vendi, besoj në mbështetjen e të rinjve, i inkurajoj të marrin përgjegjësi dhe të kontribuojnë për një Tetovë më të mirë dhe më të zhvilluar.
Albit i uroj shumë suksese dhe e siguroj se do ta ketë mbështetjen time në këtë rrugë të rëndësishme që po e nis”, ka deklaruar Kasami.
