Kandidati për kryetar të Tetovës, Bilall Kasami gjatë paraqitjes së tij në hapjen e Shtabit zgjedhor në Bogovinë tha se është më lehtë që sot të dalim në këtë garë dhe të trokasim në çdo derë dhe të themi: “ne jemi këtu për të kërkuar votën tuaj për një Bogovinë të zhvilluar dhe prosperuese dhe ai emër është Feti Abazi”.
“E di që mbas 19 tetorit Bogovina do të ketë një kryetar të ri dhe padyshim ai është Fetiu”, tha Kasami.
Ai shtoi se dallimi mes kandidatëve është si dita me natën- një kryetar i cili për 4 vite nuk bëri as më të voglën që duhej bërë për Bogovinën, dhe në anën tjetër ai i cili ia vlen për të ardhmen e fëmijëve tuaj”.
“Prandaj do ta keni tani më lehtë kur të dilni të kërkoni votën, mjafton të thoni se cili kandidat kë përfaqëson dhe është shumë e thjeshtë. Në njërën anë janë ata të cilët nuk e dinë se cili është emri i tyre dhe në anën tjetër Fetiun i cili ia vlen për Bogovinën dhe të ardhmen e fëmijëve tuaj. Më 19 tetor do të vijmë të festojmë bashkë në Bogovinë, me Tetovën dhe komunat tjera për qytetarët tonë”, tha Kasami.
Bilall Kasami: Dallimi mes kandidatëve është si dita me natën, më 19 tetor festojmë fitoren në Bogovinë
