Shefi i shtabit të VLEN në Çair, Besim Koka tha në tubimin e sontëm se prezenca madhështore e qytetarëve në stadium flet më shumë se çdo fjalë tjetër. Flet për besimin, përkushtimin dhe dëshirën e zjarrtë për fitoren e radhës në Çair.
“Me mobilizim të plotë, 14 këshilla vendor, Forumi rinor, Forumi i gruas përmbyllim një fushatë intensive prej 85 ditësh. Gjatë këtyre ditëve nuk kemi kursyer asgjë, kemi qenë në çdo lagje, në çdo shtëpi të Çarit. Në çdo takim kemi përcjell vizionin tonë për Çairin tonë të së ardhmes, Çarit të të zhvilluar, të faktorizuar që zë vendin që e meriton në ballë të proceseve shtetërore”, tha Koka.
Ai tha se janë organizuar mbi 100 konaqe ku janë shpjeguar para qytetarëve projektet e realizuara, ato të nisura dhe ato që po zhvillohen.
“Stadiumi u mbush vetë me zemrat dhe besimin e qytetarëve, kjo prezencë është dëshmia më e qartë se Izet Mexhiti tashmë është kryetari i Çairit”, tha Besim Koka.
Besim Koka: Izet Mexhiti tashmë është kryetar i Çairit
