Me të marrë detyrën kryetar i Haraçinës, Daut Beqiri, kuadër i VLEN ka bërë publike borxhin e përgjithshëm të komunës të trashëguar nga parardhësi i tij.
Ky borxh sipas tij është rreth 1.8 milionë euro, ndësa vetë Beqiri premton transparencë të plotë të punës së tij dhe zbardhjen e të palarave të pushtetit të kaluar.
“Që nga dita e parë jam zotuar për transparencë të plotë. Pas marrjes së raporteve zyrtare, ju informoj se Komuna e Haraçinës aktualisht ka një borxh prej:
116,449,774 denarë
(1,893,492 euro)
Ky është realiteti financiar që kemi gjetur dhe për hir të transparencës po e ndajmë me ju”, ka thënë në postimin e tij në rrjetet sociale, Beqiri.
Ai postimin e tij e mbyll se do të bëhet publike çdo raport për punën e komunës që drejton.
“Do të vazhdojmë të publikojmë rregullisht çdo raport dhe çdo hap të punës sonë”, thekson mes tjerash Beqiri.
Ndryshe, me këtë komunë mandatin e kauar ka udhëhequr Ridvan Ibraimi nga BDI.
