Kandidati për kryetar të komunës së Gostivarit nga VLEN, Nevzat Bejta në bisedën për “OnTime” ka premtuar se nuk do të keqpërdoret asnjë denarë sikur që kanë bërë Arben Taravari dhe Valbon Limani me komunën.
“Ata kanë harxhuar shumë para për mbajtjen e ativistëve partiak, p.sh në vit kanë harxhuar 500 mijë euro për t’i mbajtur miltantët e partisë të cilët ose kanë ndenjur në shtëpi ose kanë shkuar jashtë vendit, ndërsa e kanë marrë rrogën. 8 vite nga 500 mijë euro bëjnë 4.5 milionë euro. Nëse ju ndahen nga 500 mijë artistëve ose Shoqatave kulturore artistike, ata bëjnë çudira”, ka thënë Bejta.
Ai thotë se do t’u ofrojë qytetarëve të Gostivarit shumë gjëra, sepse e njohin si punëtorë dhe i shijojnë projektet e mëdha të tij që ka bërë për qytetin, qoftë në mandatin e parë dhe të dytë.
Gostivari, nga nja fshat i madh në qytet i madh
“Në mandatin e parë Gostivari ishte një fshat i madh dhe me reformat që bëra prej një fshati të madh u bë një qytet i madh dhe fillova të realizojë projekte që ishin në interes të qytetarëve të Gostivarit. Pastaj i kushtova rëndësi të madhe pastërtisë së qytetit, sepse para së të vijë unë, qyteti i Gostvarit në çdo cep ishte i mbushur me plehëra dhe mbeturina, unë i pastrova. Pastaj në mandatin e dytë realizova projekte të mëdha që i shijojnë banorët e Gostivarit. Jam ndoshta i vetmi kryetar që kam ndërtuar Urën mes dy anëve të lumit Vardar dhe kjo ka ndikuar në shkarkimin e komunikacionit kur ktheheshin bashkëqytetarët tanë në vendlindje”, ka thënë Bejta.
“Taravari thotë se e do Gostivarin, por për ta plaçkitur atë”
Unë edhe sot e kësaj dite e dua Gostivarin, por, Taravari nuk thotë ashtu: Ai thotë unë e kam Gostivarin në zemër, por për ta plaçkitur Gostivarin, shprehet Bejta.
“Tash në këtë mandat do të realizojë projekte shumë të mëdhaja”, thekson mes tjerash ai.
