Pas disa javësh mosmarrëveshjesh, Bashkimi Evropian ka arritur një “marrëveshje politike” për të sanksionuar kolonët ekstremistë izraelitë, thotë Josep Borrell.
Përparimi ndodhi gjatë një takimi të ministrave të punëve të jashtme të bllokut të hënën, ku çështja u vu në tryezë për t’i dhënë diplomacisë një shans të ri, shkruan euronews.
“Ne diskutuam për sanksionet mbi Hamasin dhe ramë dakord për sanksionet ndaj kolonëve ekstremistë. Nuk ishte e mundur në Këshillin e kaluar të Punëve të Jashtme. Këtë herë ka qenë e mundur. Një kompromis solid është rënë dakord në nivelin e punës dhe shpresoj se do të të vazhdojë deri në miratimin e plotë së shpejti”, njoftoi në fund të takimit shefi i politikës së jashtme të bllokut.
Sanksionet kanë qenë në punë prej muajsh dhe fillimisht u ndaluan nga një pjesë e vogël e vendeve, duke përfshirë Gjermaninë, Republikën Çeke dhe Austrinë, të cilët janë ndër mbështetësit më të vendosur të bllokut të Izraelit.
