Ne ju paralajmëruam para zgjedhjeve të fundit. Sot po e rikonfirmojmë edhe një herë: Izet Mexhiti në asnjë moment nuk ka qenë i sinqertë, as i fjalës dhe as i besës.
Pasi e tradhëtoi shtëpinë që e riti e i dha mundësi të etablohet, partinë që ai e keqpërdori për interesa të ngushta personale, familjare dhe klanore – karrierën jashtë jashtë saj si kryetar partie e filloi me premtime bombastike, premtime për të cilat e dinte se nuk do t’i mbante asnjëherë, por që do t’i përdorte për të kapur pushtetin dhe për të ruajtur bizneset e veta.
Në serinë e shpalosjes së premtimeve të rrejshme dhe keqpërdorimeve të “Mashtrimit të Madh”, ua rikujtojmë besën e dhënë nga Izet Mexhiti se do t’i mbyllte kazinotë në Maqedoninë e Veriut. Lufta kundër këtij fenomeni u bë kryefjala e angazhimit të tij politik dhe premtimi kryesor që përsëritej disa herë në ditë.
Sot, kur ai është në pushtet qendror dhe lokal, ky premtim dhe kjo besë e dhënë janë harruar. Kazinotë funksionojnë lirshëm, pa asnjë pengesë, dhe vazhdojnë të rrjepin xhepat e qytetarëve dhe familjeve të tyre. Jo vetëm që nuk janë mbyllur, por ato vazhdojnë të zgjerojnë biznesin e tyre edhe në Çair, komunën që udhëhiqet nga vetë Izet Mexhiti.
Që ironia dhe tallja me qytetarët të jetë edhe më e madhe, jo vetëm për qytetarët por edhe për anëtarët e partisë së tij, ai rehatoi një nga të afërmit e tij në Lotarinë e Maqedonisë, duke i dhënë post në bordin drejtues. Asgjë e papritur, kur dihet se të gjitha postet e rëndësishme dhe ku ndahen paratë ndahen për familjarët.
Ne do të vazhdojmë ta mbajmë atë përgjegjës për premtimet e tij.
Bashkimi Demokratik për Integrim është këtu, pranë qytetarëve dhe përballë mashtruesve të mëdhenj.
Ne do t’ju mbajmë për fjalën e dhënë dhe do t’ju ekspozojmë para qytetarëve për gënjeshtrat tuaja.
