Barcelona ka konfirmuar rikthimin e Thiago Alcantarës në klub, këtë herë në një rol të ri. Ish-mesfushori, i cili ka pasur një karrierë të suksesshme si lojtar me Barcelonën, Bayern Munich dhe Liverpool, është emëruar ndihmës-trajner në stafin e Hansi Flick.
Braziliani e nisi sot ditën e tij të parë në rolin e ri në stërvitjen e skuadrës së parë.
“Thiago nisi punën sot si anëtar i stafit të trajnerëve të ekipit të parë si ndihmës trajner i Hansi Flick. Roli i tij do të përfshijë ndihmën me aspektet taktike dhe përgatitjen e seancave stërvitore, ndër të tjera, duke sjellë përvojën dhe vizionin e tij për lojën për të pasuruar punën e përditshme të skuadrës”, thuhet në njoftimin zyrtar të klubit.
Ky është rikthimi i parë i Thiagos në “Camp Nou” pas largimit të tij në vitin 2013.
