Kandidati për kryetar të Qytetit të Shkupit nga VLEN, Bashkim Bakiu, në tubimin madhështor të mbajtur në Çair, akuzoi Aleancën Kombëtare për Integrim (AKI) se po keqpërdor të rinjtë për fushatë dhe po dështon të mbledhë qytetarë me vullnet të lirë.
Ai kujtoi edhe ndryshimet e papritura të politikës së BDI-së, duke thënë se “Fiks më 16 tetor të vitit 2021, Bujar Osmani pati promovuar agjendën e gjelbër duke e konsideruar se e kanë rrumbullakësuar çështjen shqiptare. Tre vite më vonë, në zgjedhjet parlamentare, për t’iu vardisur faktorit ndërkombëtar, promovuan “Frontin Evropian”. Menjëherë pas zgjedhjeve u futën në listat e zeza dhe thanë se është përkeqësuar jeta e shqiptarëve. Jo, jo, është përkeqësuar jeta e ish-funksionarëve të BDI-së, e jo e shqiptarëve”, tha Bakiu
Në fund, Bakiu u bëri thirrje punonjësve të ndërmarrjeve publike të Shkupit “Duroni deri në orën 19:00 të ditës së diel, atëherë nuk do të ketë më kërcënime”.
