Kandidati për kryetar të Tetovës, Bajram Rexhepi, sot ka zhvilluar një takim me qytetarët dhe bizneset në bulevardin “Ilinden”, ku theksoi se beteja për Tetovën vazhdon dhe se më 2 nëntor qyteti do të fitojë.
“Më 2 Nëntor do të fitojë Tetova, do të triumfojë vota e lirë dhe vullneti i qytetarëve”, deklaroi Rexhepi, duke shtuar se fushata e tij bazohet në një kontratë të qartë me qytetarët dhe të gjithë ata që ia duan të mirën këtij qyteti.
Ai përsëriti se qëllimi i tij është bashkimi i të gjithë tetovarëve për një Tetovë më të mirë, pa dallime dhe përjashtime.
