Deputeti i VLEN-it, Adnan Azizi në një intervistë për “Lajm” ka thënë se nga momenti i mbajtjes së
Kuvendit të Lëvizjes Besa, ka nis procesi i vlerësimit dhe llogaridhënies.
Si subjekt, madje shton ai, dëshmojmë se nuk pozita të paprekshme, “nuk ka pashallëqe në funksione,
por ka detyrime, përgjegjësi dhe llogaridhënie”.
“Deklarata e kryetarit dhe Lëvzjes BESA, është se nuk kërkon arsyetime, por punë dhe realizime. Ka raste
që edhe në pushtetin lokal dhe ekzekutiv, kemi bërë propozime dhe në bazë të atyre vlerësimeve, madje
për të bërë ndryshime të drejtorive përkatëse, por nuk është ajo që pretendojmë, që mos kalojmë në
ndonjë akuzë, pasi në periudhën që qeverisë VLEN nuk ka keqpërdorime, skandale dhe kjo është ana
pozitive e përfaqësimit të shqiptarëve në këtë periudhë”, ka thënë Azizi.
Shton që ky nivel i përfaqësimit të jetë në piedestal dhe të mos krahasohemi siç thotë ai me atë që ka
bërë BDI.
“Të mbajmë llogari për veten tonë duke plotësuar të gjitha aspiratat, kërkesat, nevojat e gjithë atyre që
na ka dhënë mandatin dhe na kanë votuar”, ka thënë deputeti Azizi.
