Zëdhënësja e Qeverisë, Venera Azizi, ka reaguar me një status të fuqishëm në rrjetin social Facebook, pas rezultateve të fundit zgjedhore. Ajo ka deklaruar se populli së bashku me forcat e ndryshimit “ua fikën përfundimisht dritat e manipulimit mbi 20-vjeçar”, duke dërguar, siç shprehet ajo, “në pension politik” ata që kanë dominuar skenën për vite me radhë.
“Na quajtën vasalë, shërbëtorë, zagarë, na i shajtën 700 mijë nënat shqiptare, por ne ua dhamë përgjigjen. Së bashku me popullin ua fikëm përfundimisht dritat e manipulimit mbi 20-vjeçar! I çuam në pension politik aty edhe ku e kanë vendin,” shkruan Azizi.
Ajo shton se ky moment do të mbahet mend nga historia, duke theksuar se nuk është fundi i një rruge, por fillimi i një epoke të re.
“Kjo fitore nuk është vetëm e jona, është e çdo qytetari që ka besuar se ndryshimi VLEN,” përfundon Azizi.
