Kristjan Asllani mund të ketë shansin e madh për të qenë titullar në derbin e të dielës Inter-Juventus.
Në konferencën e fundit për shtyp para supersfidës trajneri i Interit, Inzagi pranoi se mesfushori shqiptar mund të jetë në fushë kundër bardhezinjve, si zëvendësuesi natyral i Hakan Calhanoglu, pasi turku është i dëmtuar.
“Asllani do të luajë nëse më jep garanci fizike, është një lojtar që është përmirësuar shumë vitet e fundit, edhe pse ka fatin e keq që ka në rol një si Hakan Calhanoglu që është ndër më të mirët në botë. Pati një problem para ndeshjes me Romën. Të premten bëri një seancë të plotë stërvitore e cila nuk shkoi keq. Të shohim deri para ndeshjes. nëse nuk ka shqetësime do të jetë ai titullar,” u shpreh trajneri i Interit.
Dueli i madh mes Interit dhe Juventusit do të luhet të dielën në orën 18:00
