Aktivisti qytetar, Jasir Asani, ka reaguar ashpër ndaj kreut të BDI-së, Ali Ahmeti, pas pjesëmarrjes së këtij të fundit në hapjen solemne të një çerdheje në Haraçinë. Ai e cilëson paradoksale praninë e Ahmetit në një ngjarje që ka për qëllim të ardhmen e fëmijëve, duke e akuzuar për degradimin e arsimit dhe mungesën e kushteve elementare për nxënësit.
“Asnjë fëmijë nuk është militant partie apo aktivist që ju të mbani fjalime si në tubime. Duhet të turpëroheni për gjendjen në të cilën keni lënë arsimin, pa libra shkollorë dhe pa kushte bazë,” ka shkruar Asani, duke e quajtur BDI-në partinë më të korruptuar dhe tashmë opozitare.
Sipas tij, në vend që të fliste për zhvillimin e arsimit dhe përmirësimin e kushteve për fëmijët, Ahmeti ka zgjedhur të përdorë ngjarjen për të folur për destabilizim dhe për kundërshtarët politikë. “Turpi ka emër,” përfundon ai.
