Kryeministri Hristijan Mickoski njoftoi sot se është arritur një marrëveshje e rëndësishme me sindikatat përfaqësuese nga fusha e administratës, e cila parasheh rritje graduale të pagave për të punësuarit në administratë, gjykata dhe prokurori. Plani parashikon një rritje totale të pagave prej rreth 40% deri në vitin 2028.
Dëshiroj t’i bashkohem informacionit që Tërpe dhe Blagoja, në emër të SPOGJSH -së dhe Sindikatën e administrates shtetërore, e përcollën te mediat, te opinioni publik dhe te të punësuarit në administratë, por edhe te të punësuarit në gjykata dhe prokurori. Kjo është një paketë më e gjerë, ku së bashku me të punësuarit në gjykata dhe prokurori do të përfshihen rreth 11.000 të punësuar dhe me këtë, Qeveria si punëdhënësi më i madh, praktikisht vendos një marrëveshje me kolegët e saj, dhe kjo marrëveshje ka afat vlefshmërie deri në vitin 2028.
Më herët, e dini se kemi pasur marrëveshje të tilla edhe me të punësuarit në arsim, shëndetësi dhe në institucione të tjera, kështu që kur e gjithë kjo të përmbyllet, ne si Qeveri, si punëdhënësi më i madh, praktikisht i kemi rregulluar marrëdhëniet tona me kolegët brenda institucioneve. Ashtu siç thanë edhe vetë kryetarët, Tërpe dhe Bllagoja, ky është një moment historik, sepse deri tani kurrë më parë nuk ka ndodhur të kemi një plan të tillë për rritjen e pagave dhe harmonizimin e tyre, për të arritur një nivel dinjitoz. Vlerësojmë se këto janë hapa të guximshëm që i ndërmarrim edhe në kushte sfidash globale, të cilat padyshim ndikojnë në ekonomi, si dhe në kushte sfidash të brendshme që po ashtu ndikojnë në ekonomi, me një menaxhim të kujdesshëm, të pjekur dhe të përgjegjshëm dhe me administrimin e arkës shtetërore në një mënyrë që na mundëson t’i përmbushim të gjitha këto si shtet. Arritëm një marrëveshje e cila duhet të operacionalizohet përmes marrëveshjeve individuale.
Ajo që e përmendën të dy kryetarët dhe që ne si Qeveri e theksojmë prej kohësh është se kontrata e përgjithshme kolektive ka skaduar, edhe pse në dispozitat përfundimtare dhe kalimtare thuhet se ajo mbetet në fuqi derisa të miratohet një e re. Ne jemi të gatshëm, si Qeveri, që në këtë periudhë deri në vitin 2028 – dhe pres që kjo të ndodhë në një afat më të shkurtër – së bashku me dy sindikatat përfaqësuese, në këtë rast LSM dhe KSL, të ulemi dhe të negociojmë një kontratë të re të përgjithshme kolektive, e cila do të jetë mjeti i vetëm mbi bazën e të cilit do të paguhen pagat. Nga ana tjetër, do të jetë një mjet që do ta kenë si punëtorët, ashtu edhe Qeveria. Vlerësojmë se një kombinim i tillë “Win-win”, pra që të dyja palët të përfitojnë dhe më së shumti qytetarëtdhe shteti, mund të arrihet përmes një pune të pjekur dhe një besimi që, mendoj, gradualisht por me siguri, ne si Qeveri e kemi dhe e ndërtojmë me struktura të caktuara në sindikata. Nuk them me të gjitha, por me disa struktura në sindikata, sepse ka struktura që, për fat të keq, nuk arrijnë të çlirohen nga përqafimet politike të disa partive politike.
Sido që të jetë, unë jam i kënaqur me këtë. Qoftë me fat dhe pres edhe shumë momente të tilla të suksesshme në të ardhmen. I falënderoj të dy kryetarët, sindikatat SPOGJSH dhe Sindikatën e administrates shtetërore, që pas një kohe të gjatë, përmes një bisede konstruktive gjatë javës së kaluar, arritëm të vijmë te një zgjidhje e përbashkët.
