Kryetari i konunës së Koçanit, Lupço Papazov dhe dy ish-kryetarët e kësaj komune janë arrestuar sot nga policia gjatë orëve të pasdites, raportojnë portalet në gjuhën maqedonase.
Dy ish-kryetarët e ndaluar të komunës që përjetoi tragjedinë e rëndë janë Ratko Dimitrovski dhe Nikollçe Ilijev. Arrestimet kanë të bëjnë me tragjedinë në diskotekën “Pulse”, ku humbën jetën 59 veta, ndërsa mbi 200 të plagosur si pasojë e zjarrit.
Kryetari aktual Papazov dha dorëheqjen pas zjarrit tragjik në diskotekën “Pulse”, ku humbën jetën 59 persona.
Prokuroria bën me dije se aksioni i ekipit policor me urdhër të Prokurorisë kryesore publike në Koçan është duke u zhvilluar, dhe lidhur me procedurën e zjarrit në klubin “Puls”.
Dimitrovski udhëhoqi komunën nga viti 2009-2017, ndërsa pasardhësi i tij ishte Iliev nga viti 2017-2021. Ata ngarkohen me dyshime për lëshime për dhënien e lejeve të posaçme të paligjshme për funksionimin e lokalit.
