Arbana Osmani, mesa thuhet në rrethet mediatike, është drejt rikthimin në televizion. Por, jo ai rikthim që mund të jeni duke menduar.
‘Vip Magazine’ raporton se moderatorja është parë në ambientet e Radio Televizionit Shqiptar, ku ka zhvilluar një takim me drejtuesen e këtij institucioni, Eni Vasili.
Takimi ka ndezur menjëherë zërat se Arbana mund të jetë moderatore e Festivalit të Fundvitit, një nga eventet më të rëndësishme të muzikës shqiptare.
Kujtojmë se më herët është raportuar se si Arbana Osmani, ashtu edhe Luana Vjollca, kanë dorëzuar pranë organizatorëve platformat e tyre kreative për konceptimin e festivalit, duke e bërë konkurrencën mes tyre edhe më interesante.
Edhe pse ende nuk është konfirmuar nëse takimi me Eni Vasili shënon finalizimin e marrëveshjes, burime pranë RTSH-së thonë se gjithçka po shkon drejt vendimit përfundimtar dhe koha është e shkurtër, pasi festivali pritet të nisë pas vetëm disa javësh.
Nëse ky bashkëpunim konkretizohet, kjo nuk do të ishte hera e parë që Arbana ngjitet në skenën e Pallatit të Kongreseve. Tre vite më parë, ajo prezantoi festivalin, në një periudhë kur ishte në kulmin e suksesit të “Big Brother Vip Albania”.
