Zjarri që përfshiu pjesën mbi fshatin Lojan, Komuna e Likovës, është në një masë të madhe i lokalizuar dhe i shuar. Fshati është plotësisht i mbrojtur, ndërsa intensiteti i djegies në shtratin e pyllit me pisha është ndjeshëm i zvogëluar. Me hapjen e rrugës për qasje, u mundësua veprim këmbësor i ekipeve të Pyjeve Nacionale, gjë që kontribuoi në kufizimin e përhapjes së zjarrit.
Në aksion u angazhuan: helikopteri Bell 412 i MPB-së, dy ekipe të Njësisë Territorialë të Zjarrfikësve të Kumanovës me automjete zjarrfikëse, si dhe ekipe të Pyjeve Nacionale – Degë Kumanovë me automjete të specializuara për zjarret pyjore. Pjesëmarrje aktive pati edhe popullsia vendore, ndihma e së cilës ishte me rëndësi të madhe.
Veprimet në terren u koordinuan nga Drejtori i Qendrës për Menaxhimin e Krizave, Muhamed Ali, i cili monitoroi bashkëpunimin mes institucioneve dhe siguroi reagim të shpejtë për mbrojtjen e jetëve dhe pronës së qytetarëve.
Faleminderit të gjithë pjesëmarrësve për profesionalizmin dhe përkushtimin e tyre.
