Në Ministrinë e Arsimit është ngritur shqetësimi për gabimet e evidentuara në librin e Gjeografisë për klasën e 7-të. Zëvendësministri i Arsimit, Lulzim Aliu, ka reaguar publikisht duke theksuar se çështja e teksteve shkollore trajtohet me seriozitet maksimal. “Fëmijët tanë meritojnë libra të saktë, profesional dhe të përditësuara sipas standardeve bashkëkohore”, ka deklaruar Aliu.
Ai ka sqaruar se hartimi, vlerësimi dhe miratimi i teksteve shkollore është kompetencë profesionale e komisioneve dhe ekipeve të ekspertëve të angazhuar nga Ministria e Arsimit dhe Shkencës.
Sipas tij, gabimi i evidentuar duket të jetë një gabim teknik në përkthim gjatë procesit të përpilimit apo botimit të përmbajtjes. “Kam kërkuar nga institucionet përgjegjëse që të verifikojnë menjëherë situatën, të evidentojnë gabimin dhe të ndërmarrin korrigjimet e nevojshme pa vonesë”, ka shtuar zëvendësministri Aliu.
