“Ali Ahmeti sjell lajmin e madh”, ishte posteri i cili tashmë disa ditë u bë viral nëpër rrjetet sociale, duke u shpërndarë masovikisht nga përkrahësit e Bashkimit Demokratik për Integrim.
Mirëpo, sot u bë e ditur data dhe ora kur kryetari i BDI-së, Ali Ahmeti do e jap këtë lajm të madh.
Nesër, e enjte, në ora 11:00 përmes një transmetimi të drejtpërdrejtë në Facebook, Ahmeti do ta kumtoi lajmin e madh.
Informacioni është bërë i ditur nga zyrtarë dhe aktivistët e BDI-së në rrjetet sociale.
Theksojmë se njejtë si fushatat e mëparshme paralajmëruese të BDI-së, siç ishin Agjenda e gjelbër apo Kryeministri shqiptar, edhe Lajmi i madh i Ahmetit ka nxitur kureshtje dhe interesim tek opinioni dhe mediumet vendore dhe të rajonit.
