Bashkimi Demokratik për Integrim gjatë ditës së djeshme mbajti mbledhjen e Kongresit të Vazhdimësisë, që siç tha i pari i kësaj partie, Ali Ahmeti, u diskutuan situata politike aktuale në vend. Tutje, Ahmeti tha se u fol edhe për Kongresin e partisë që do të mbahet më 20 dhjetor, që siç tha, “do të përcaktojë drejtimin e mëtejshëm”.
Ai ka bërë të ditur se gjatë takimit është zhvilluar një “diskutim i gjerë mbi zhvillimet aktuale politike në vend”, duke theksuar se janë trajtuar “të gjitha sfidat me të cilat po përballet skena politike dhe shoqëria jonë”.
“Në fokus të veçantë ishin edhe përgatitjet për Kongresin e 20 dhjetorit”, ka thënë Ahmeti, duke e cilësuar këtë datë si “një moment të rëndësishëm që do të përcaktojë drejtimin tonë të mëtejshëm politik”.
