Dy këngëtarët e shumë pëlqyer për publikun shqiptar, Bes Kallaku dhe Albina Kelmendi, kanë bashkuar forcat në një projekt që prek zemrat e të gjithëve.
Kënga e tyre më e re titullohet “Nanë e Babë”, një krijim i dedikuar dashurisë së pastër dhe të pakushtëzuar ndaj prindërve – një ndjenjë që, siç thonë vetë artistët, “nuk ka kufi e as krahasim”.
Kënga mban firmën e Edlir Begollit në muzikë, Bes Kallakut në tekst dhe është shoqëruar me një videoklip të realizuar mjeshtërisht nga Max Production.
Ky bashkëpunim sjell një frymë të ndjerë emocioni, duke përçuar mesazhin e mirënjohjes dhe respektit për figurat më të shtrenjta të jetës — nënën dhe babain.
Ky projekt vjen si një falënderim muzikor për sakrificat, kujdesin dhe dashurinë e përjetshme që vetëm prindërit dinë të japin.
“Nanë e Babë” tashmë është publikuar në YouTube dhe po pritet me shumë emocione nga publiku.
