Bartësi i listës së VLEN për Këshillin Komunal të Tetovës, Albi Qamili, ka publikuar sot një fotografi simbolike me kandidatët e koalicionit, duke e cilësuar këtë listë si përfaqësim të rinisë, të shpresës dhe të gjithë qytetarëve të Tetovës.
Në postimin e tij, Qamili shkruan se kjo është gjenerata që mban në duar të sigurta të ardhmen e qytetit dhe se angazhimi në këtë proces është një përgjegjësi dhe privilegj i veçantë për secilin prej tyre.
“Ky rrugëtim dhe kjo përgjegjësi për ne është një privilegj i veçantë, të cilin tetovarëve do ua shpërblejmë me besnikëri, punë të përkushtuar dhe vepra që do të lënë gjurmë për Tetovën tonë,” theksoi Qamili në përshkrimin që shoqëron fotografinë.
Ai e përmbylli postimin me mesazhin optimist: “Ja VLEN! Na priftë e mbara.”
Koalicioni VLEN garon për herë të parë në zgjedhjet lokale në Tetovë me një ekip të ri kandidatësh, duke synuar, siç thonë përfaqësuesit e saj, “një frymë të re në udhëheqjen lokale dhe një qasje të ndryshme ndaj problemeve të qytetit”
