Josep Martinez është nën hetim për krim rrugor pa dashje, një hap që duhej ndërmarrë duke parë edhe dinamikën e aksidentit. Mëngjesin e kësaj të marte, spanjolli aksidentoi për vdekje Paolo Saibene 81 vjec teksa ishte duke shkuar në Appiano për t’u stërvitur.
Sipas të dhënave të para, viktima kishte shfaqur shenja destabilizimi pak metra para dhe më pas pushtoi korsinë ku kishte makina. Në vendin e ngjarjes u morën të dhënat për të rindërtuar dinamikën e aksidentit dhe për të vendosur për përgjegjësitë
Josep Martinez, portieri spanjoll 27 vjecar ishte në drejtimin e makinës së tij BYD, një Suv Hibrid. Mjetet u sekuestruan dhe rruga u bllokua. Hetimet janë në zhvillim e sipër, por në aspektin juridik, do të aplikohet neni për vrasje në aksident rrugor.
Por çfarë rrezikon portieri i Interit? Nëse vërtetohet se ai ka shkelur rregullat e qarkullimit rrugor dënimi mund të jetë 2-7 vjet burg dhe me pezullim të patentës; nëse faji është i lehtë dhe jo rrugor, dënimi do të ishte 6 muaj deri në 5 vjet dhe një gjobë. Gjithsesi, ajo që ndodhi në Bergamo a Fenegro, sugjeron më shumë se është një ngjarje aksidentale. Nëse konfirmohet sjellja e paparashikueshme e viktimës, cështja mund të arkivohet pa pasoja penale, por me pagesën e një dëmshpërblimi të mbuluar nga kompanitë e sigurimit. Sipas ligjit nëse sjellja e këmbësorit është jo e zakonshme dhe e paparashikueshme, drejtuesi i mjetit nuk është përgjegjës.
