Kreu i BDI-së, Ali Ahmeti pas fitores së AKI-së në zgjedhjet e përsëritura në Gostivar dhe Vrapçisht, tha se në raundin e parë më 19 tetor 2025, AKI-së i është bërë me hile, përcjell TV21. Ahmeti tha se ka pasur sabotazh, respektivisht bojkot, që të parandalohet fitorja e AKI-së në këto dy komuna më 19 tetor të vitit të kaluar.
“Dua të ndaj një shqetësim që nuk e kam thënë asnjëherë në këtë proces zgjedhor dhe sidomos në këto komuna si në Gostivar dhe Vrapçisht, që na është bërë me hile. Përveç se është përdorur në komunat e tjera inxhinieringu, këtu është përdorur një mjet tjetër, sabotazha, bojkoti që ne mos të triumfojnë në rrethin e parë të zgjedhjeve. Dua të ndaj këtë shqetësim që nuk e kam shfaqur, a thua a do të shkilet Besa e dhënë? Dua të falënderojë çdo aktivist të BDI-së dhe ASH-së, që kanë punuar që kanë vepruar të gjithë bashkërisht, për shtëpinë e përbashkët dhe për të ruajtur Besën e dhënë”, tha Ahmeti.
