Kreu i Bashkimit Demokratik për Integrim, Ali Ahmti sot nuk dha asnjë deklaratë për media para apo pas seancës konstitutive në Kuvend, ku kryetar i Kuvendit u zgjodh Afrim Gashi nga VLEN, përcjell TV21. Nga Fronti Europian njoftojnë se Ahmeti bashkë me liderët e Frontit, nesër do të deklarohen para mediave.
“Ju njoftojmë se nesër (e mërkurë, 29.05.2024) me fillim në ora 13:00, kryetari i BDI z. Ali Ahmeti, bashkë me krerët e Frontit Europian do të mbajnë konferencë për media, tek selia e BDI në Tetovë”, thuhet në njoftimin e Frontit Europian.
