Kryeparlamentari Afrim Gashi, organizoi një pritje miqësore për ambasadorët, përfaqësuesit e trupit diplomatik dhe organizatave ndërkombëtare, duke e cilësuar atë si një moment reflektimi dhe mirënjohjeje për bashkëpunimin e përbashkët gjatë vitit që po përmbyllet.
Në një atmosferë respekti të ndërsjellë, Gashi riafirmoi përkushtimin e tij personal që Parlamenti të vazhdojë të jetë një institucion i hapur për bashkëpunim, transparencë dhe stabilitet institucional, duke vlerësuar lart kontributin dhe mbështetjen e vazhdueshme të partnerëve ndërkombëtarë.
Gjatë takimit u shkëmbyen edhe urime për paqe, mirëkuptim dhe forcim të mëtejshëm të partneriteteve, me besimin se bashkëpunimi ndërmjet Parlamentit dhe komunitetit ndërkombëtar do të vijojë të thellohet dhe të japë rezultate konkrete edhe në të ardhmen.
