Kryeparlamentari, Afrim Gashi, ka zhvilluar një takim miqësor dhe vëllazëror me Imamin e Qabës, Shejh Dr. Mahir, i cili po realizon një vizitë zyrtare në vendin tonë.
Gashi ka bërë të ditur se gjatë bisedës është diskutuar për rëndësinë e kësaj vizite dhe respektin e ndërsjellë mes institucioneve, duke përcjellë mirënjohjen e tij për autoritetet e Mbretërisë së Arabisë Saudite për mbështetjen dhe bashkëpunimin e vazhdueshëm.
Ai theksoi se takimi nënvizoi rëndësinë e forcimit të lidhjeve shpirtërore dhe vlerave që bashkojnë të dy vendet, si dhe gatishmërinë për të intensifikuar më tej marrëdhëniet institucionale në të ardhmen.
Vizita e Imam Mahirit vlerësohet si një moment i rëndësishëm në afirmimin e bashkëpunimit dhe miqësisë mes Maqedonisë së Veriut dhe Arabisë Saudite.
