Në ditët në vijim, Maqedonia e Veriut do të jetë nën ndikimin e një vale të theksuar dimërore, me mot të ftohtë dhe pjesërisht të vranët, reshje të lokalizuara bore dhe erë veriore të përforcuar. Moti sot në vend ka qen i ftohtë dhe pjesërisht i vranët, me reshje të lokalizuara bore. Në Shkup moti ka qenë i ftohtë dhe pjesërisht i vranët, me erë mesatare të përforcuar nga veriu dhe temperaturë rreth 2 gradë.
Nesër pritet një mëngjes edhe më i ftohtë, me temperatura të theksuara nën zero, sidomos në pjesët perëndimore, veriore dhe malore, ku vlerat minimale do të zbresin edhe nën minus 10 gradë. Gjatë ditës do të ketë vranësira të ndryshueshme me periudha dielli, ndërsa era do të jetë e dobët deri mesatare, herë pas here e përforcuar nga drejtimi verior, më e shprehur në pjesët lindore dhe në luginën e Vardarit.
Nga dita e martë fillon stabilizimi i motit. Do të mbizotërojë mot pjesërisht i vranët me periudha më të shpeshta dielli dhe pa reshje. Mëngjeset do të mbeten shumë të ftohta, me temperatura minimale nga minus 14 deri minus 6 gradë, ndërsa ditën do të lëvizin nga minus 1 deri rreth 7 gradë.
Të mërkurën dhe të enjten do të vazhdojë ngrohja graduale. Temperaturat minimale do të rriten, ndërsa ato ditore do të arrijnë nga 2 deri 9 gradë të mërkurën dhe nga 3 deri 10 gradë të enjten. Moti do të jetë pjesërisht i vranët me periudha dielli dhe me erë të dobët deri mesatare nga drejtimi perëndimor dhe veriperëndimor.
Bëhet thirrje tek qytetarët për kujdes të shtuar, veçanërisht gjatë orëve të mëngjesit për shkak të ngricës dhe akullit, si dhe për përshtatjen e lëvizjes dhe trafikut me kushtet dimërore.
