Këngëtarja e njohur Edona Llalloshi këtë verë nuk e ka kursyer veten. Axhenda e saj ka qenë e mbushur me dasma, ahengje e mbrëmje muzikore, ku prania e saj gjithmonë ka marrë vëmendjen për shkak të zërit, por edhe elegancës e formës së mirë që e karakterizon prej vitesh.
Por krahas muzikës, Llalloshi tashmë ka hyrë edhe në një kapitull të ri: politikën, shkruan “Kosovarja”.
Ajo është zgjedhur deputete në Kuvendin e Kosovës, ndonëse ky i fundit ende nuk është konstituar. Për këngëtaren, ky rol i ri shihet si një sfidë krejt ndryshe nga ajo me të cilën është mësuar në skenë.
Dilema që ngrihet është e natyrshme: a po i pëlqen ky terren i ri, apo tashmë po e kupton se politika është një fushë shumë më e ndërlikuar, plot telashe e prapaskena?
