Zv/kryetari i Tetovës Albi Qamili, i ftuar në T-Cast në Tetova 1, u pyet për mundësinë që të kandidojë për kryetar të Komunës së Tetovës pas 4 viteve, nëse Bilall Kasami nuk rikandidon për mandatin e tretë.
Ai tha se për të nuk është i rëndësishëm posti, por rezultatet në punë, ndërsa është i gatshëm të marrë përgjegjësi për çfarëdo që vlerësohet se do të sjellë rezultate të mira.
“Unë çdoherë e kam parë dhe e shoh veten si dikush që mban përgjegjësi, aty ku mund të kontribuoj më së shumti. Unë nuk jam i fiksuar pas posteve, jam i fiksuar pas rezultateve. Kudo që të jem unë, do të jap më të mirën të mundshme, aq sa di dhe sa mundem. Ndërsa çdo vendim për të ardhmen, nëse do të jetë në të mirën e rezultateve, nëse do të vlerësohet se rezultati do të jetë më mirë me mua, unë përsëri do të jem aty”, deklaroi Qamili.
Si bartës liste i VLEN-it në Tetovë, Albi Qamili mori mbi 16 mijë vota, më shumë se kandidati për kryetar i AKI-t, Bajram Rexhepi.
