Jesus Gil Manzano do të pezullohet nga arbitrimi për një kohë të pacaktuar në Spanjë. Asgjë nuk është zyrtare, por kështu mësohet nga mediet spanjolle. Shkak është bërë menaxhimi i dobët i ndeshjes Valencia – Real Madrid, të përfunduar në barazim 2 me 2 në “Mestalla”.
Ndeshja e luajtur dje në kuadër të kampionatit spanjoll, u mbyll me një episod të dyshimtë. Ishte minuta e 98’, kur Gil Manzano sinjalizoi përfundimin e takimit. Në të njëjtën kohë, aksioni i rrezikshëm i Real Madrid po zhvillohej dhe topi përfundoi në rrjetë.
Vërshëllima erdhi para se Reali të shënonte, por mënyra si u mbyll ndeshja ishte e dyshimtë. Ndërkohë kujtojmë se Real Madrid vazhdon të kryesojë kampionatin spanjoll i pashqetësuar në krye.
