Fabrizio Corona, gazetari i thashethemeve që pretendoi të hapte një skandal bastesh në Serinë A, është shpallur fajtor për shpifje për një histori të rreme që i dha fund karrierës së Mauro Icardit te Interi.
Kjo nuk është hera e parë që Corona është në telashe me ligjin, pasi ai kaloi kohë në burg për përpjekje efektive për të shantazhuar klubet dhe lojtarët me fotografi të sjelljes së tyre jashtë fushës, raporton KosovaPress.
Ai e teproi në shkurt të vitit 2019 në faqen e tij të internetit “King Corona Magazine”, kur ai pretendoi se gruaja e Icardit, Wanda Nara, kishte një lidhje me shokun e tij të atëhershëm të Interit, Marcelo Brozovic.
Madje kishte edhe një audio të rreme që bënte xhiron e mediave sociale që supozohej se ishte e Wanda dhe Brozovic së bashku.
Në vitin 2022, Wanda Nara u shfaq tashmë në gjykatë për të shpjeguar se historia kishte prishur raportin mes Icardit dhe Interit, duke shtyrë në transferimin e sulmuesit te PSG në verën e vitit 2019.
“Mauro u detyrua të ndryshonte ekip, Interi i tha atij se duhej të merrte një agjent të ri, se ai nuk mund të vazhdonte më me gruan e tij si agjente të tij”, tha ajo.
Corona u shpall sot fajtor për shpifje, u urdhërua të paguante një gjobë prej 1,500 eurosh plus 7,500 euro secilit për Icardi dhe Wanda, ndërsa Brozovic mori 5,000 euro dëmshpërblim.
Nuk ka mbaruar, pasi Wanda Nara dhe Mauro Icardi, i cili tani luan për Galatasaray, po e çojnë Coronan në gjykatë me një padi civile.
Corona është duke apeluar, duke pretenduar se ai thjesht po “raportonte mbi një histori ekzistuese dhe për këtë arsye nuk mund të kontrollonte burimin”.
Ndërkohë, emrat që Corona shpalli në skandalin e basteve tashmë ishin nën hetimin e FIGC-së, ndërsa të tjerët që ai përmendi janë shfajësuar dhe disa po marrin masa ligjore ndaj tij.
