Zyrtarët policorë nga Sektori për Punë të Brendshme (SPB) Tetovë kanë privuar nga liria një person në fshatin Bogovinë, në bazë të një urdhërese gjyqësore.
Sipas informacioneve zyrtare, rreth orës 12:00 është arrestuar I.N. (30), banor i Bogovinës, për vuajtje të dënimit me burg lidhur me një vepër penale të kryer sipas nenit 235 të Kodit Penal, siç mësohet për vjedhje të energjisë elektrike.
Pas arrestimit, personi është dërguar në Institucionin Ndëshkues-Përmirësues – Burgu i Tetovës, ku do të vuajë dënimin e shqiptuar nga gjykata.
Autoritetet bëjnë të ditur se veprimi është realizuar në përputhje me procedurat ligjore dhe në koordinim me organet kompetente të drejtësisë.
