Koncerti i këngëtares së njohur, Shakira, në Katar është shtyrë për shkak të “situatës së tensionuar në rajon” pas sulmeve që SHBA-ja dhe Izraeli nisen ndaj Iranit, ka njoftuar platforma zyrtare e ngjarjeve “Qatar Calendar”, ka shkruar CNN.
Ylli kolumbian ishte planifikuar të performonte në Doha më 1 prill, në kuadër të turneut të saj botëror. Por, kjo është vetëm një nga shumë ngjarjet që janë anuluar ose shtyrë për shkak të tensioneve mes Iranit dhe Shteteve të Bashkuara.
Edhe festivali “OFFLIMITS Music Festival” në Abu Dhabi, ku pritej të performonin Shakira dhe grupi Jonas Brothers më 4 prill, është shtyrë për në muajin nëntor.
Ndërkohë, këngëtari Josh Groban ka anuluar koncertet e planifikuara në Dubai dhe Bahrain.
Ndikimi i konfliktit është ndjerë edhe në sport.
Formula 1 ka anuluar dy garat e planifikuara për muajin prill, në Bahrain dhe në qytetin Jeddah.
Gjithashtu, është anuluar edhe një ndeshje futbolli mes Spanjës dhe Argjentinës, që ishte planifikuar të zhvillohej në Katar.
Këto zhvillime tregojnë se situata e tensionuar në rajon po ndikon ndjeshëm në ngjarjet kulturore dhe sportive, duke detyruar organizatorët të shtyjnë ose anulojnë aktivitetet e planifikuara.
