Ministria e Energjisë, Minierave dhe Burimeve Minerale informon opinionin publik se, me
vendimin e Qeverisë dhe veprimin e institucioneve kompetente, është arritur qëllimi kryesor –
është parandaluar rritja e çmimeve të karburanteve dhe është arritur stabilizimi i tyre.
Komisioni Rregullator për Energjetikë ka miratuar një vendim të ri për çmimet e derivateve të
naftës, i cili do të vlejë nga mesnata deri të martën e ardhshme, me këto çmime:
– Benzinë motorike – EUROSUPER BS – 95 – 86,50 (denarë/litër)
– Benzinë motorike – EUROSUPER BS – 98 – 88,50 (denarë/litër)
– Karburant dizel – EURODIESEL BS (D-E V) – 95.50 (denarë/litër)
– Vaj djegie – Extra i lehtë 1 (EL-1) – 92.00 (denarë/litër)
– Mazuti M-1 NS – 47,610 (denarë/kilogram)
Me këtë konfirmohet se ndërhyrja e shpejtë dhe e saktë e shtetit e ndërpreu trendin e rritjes së
çmimeve, i cili përndryshe do të sillte shtrenjtim të ndjeshëm për qytetarët dhe ekonominë.
“Thjesht: parandaluam shtrenjtimin, stabilizuam çmimin dhe i mbrojtëm qytetarët.”
Në kushtet e rritjes së fortë të çmimeve në tregjet botërore gjatë periudhës së fundit, Qeveria mori
një masë kyçe:
ulje e TVSH-së për karburantet nga 18% në 10%
Kjo masë, e cila do të vlejë në dy javët e ardhshme me mundësi vazhdimi, siguroi ulje direkte të
çmimit prej 6 deri në 7 denarë për litër, si dhe parandaloi goditje shtesë të çmimeve.
Sipas analizave, pa ndërhyrje, çmimi i benzinës do të rritej për rreth 6,5 denarë për litër, ndërsa
nafta për mbi 10 denarë, gjë që do të shkaktonte presion serioz mbi transportin, shërbimet dhe
çmimet e produkteve bazë.
“Kjo është një ndërhyrje që e ndërpret zinxhirin e shtrenjtimit – nga karburantet deri te ushqimi
dhe shërbimet,” theksoi Bozhinovska.
Ministria thekson se zgjedhja e masës – ulja e TVSH-së – është bërë për shkak të efektit të saj të
drejtpërdrejtë dhe të shpejtë në çmimin përfundimtar, ndryshe nga instrumentet e tjera që
kërkojnë procedura më të gjata dhe kanë efekt të kufizuar.
Ministria e Energjisë, Minierave dhe Burimeve Minerale, duke u bazuar në masën e 13 marsit me
të cilën kompania OKTA mundësoi zbritje prej 2 denarë për litër për dizelin dhe benzinën për
tregtarët, është në komunikim të vazhdueshëm dhe intensiv me kompaninë për mundësitë e rritjes
së mëtejshme të kësaj zbritjeje. Duke pasur parasysh se masa fillestare tashmë ka krijuar hapësirë
që një pjesë e lehtësimit të transferohet te konsumatorët finalë dhe ka kontribuar në zbutjen e
presionit të çmimeve, po zhvillohen bisedime për një paketë të re kushtesh që do të sillte efekt
edhe më të fortë në stabilizimin e çmimeve të karburanteve, veçanërisht për naftën. Në këtë
drejtim, pritet kontribut shtesë edhe nga tregtarët me pakicë, me qëllim që zbritjet të reflektohen
plotësisht në çmimet për qytetarët. Paralelisht, po punohet aktivisht edhe me të gjithë operatorët
ekonomikë në treg, nga të cilët pritet sjellje e përgjegjshme dhe hapa konkretë për zbutjen e
mëtejshme të presionit të çmimeve.
Në kohë krize, përgjegjësia është e përbashkët – si e shtetit ashtu edhe e kompanive,” theksoi
Bozhinovska.
Ministrja Sanja Bozhinovska theksoi se shteti po përballet me sukses me sfidat e krizës globale
energjetike të shkaktuar nga zhvillimet ushtarake në Gjirin, ndërsa furnizimi me karburante po
zhvillohet pa pengesa dhe ndërprerje. Ajo theksoi se është në komunikim të vazhdueshëm me
ministrat përkatës në rajon dhe se të gjitha institucionet kompetente koordinohen rregullisht për
reagim të shpejtë dhe efikas ndaj çdo situate të re.
Rezervat shtetërore janë stabile, inspektorati i tregut kryen kontrolle të shtuara dhe të rregullta,
ndërsa sipas informacioneve, të gjithë operatorët ekonomikë disponojnë rezervat e detyrueshme
ligjore pesëditore. Gjithashtu funksionon pa ndërprerje edhe produktpërçuesi Shkup–Selanik
(Vardaks), i cili forcon ndjeshëm sigurinë e furnizimit dhe mundëson furnizim të vazhdueshëm
dhe të qëndrueshëm me karburante në tregun vendas.
Ministria e Energjisë vazhdon ta ndjekë situatën në tregun vendas dhe ndërkombëtar dhe është e
gatshme të reagojë me kohë me masa shtesë, ndër të cilat:
ulje shtesë të TVSH-së, nëse është e nevojshme
ndërhyrjet në marzhet tregtare
përdorimi i rezervave qeveritare
instrumente të tjera fiskale dhe rregullatore, sipas zhvillimit të situatës
Në këtë moment, Maqedonia mbetet ndër vendet me çmimet më të ulëta të karburanteve në rajon,
gjë që konfirmon edhe një herë efektivitetin e masave të ndërmarra dhe stabilitetin e sistemit
energjetik.
Ministria siguron se prioritet mbetet mbrojtja e standardit jetësor të qytetarëve dhe stabiliteti i
ekonomisë.
