Antoine Griezmann do të largohet nga Atletico Madrid dhe futbolli evropian në fund të këtij sezoni për t’u transferuar në Major League Soccer në SHBA pikërisht te skuadra e Orlando City.
Sulmuesi i përfaqësueses franceze ka arritur një marrëveshje verbale me skuadrën nga Florida për transferimin e tij në muajt e verës. Griezmann do të përfitojë nga pauza e ndeshjeve të kombëtareve për të udhëtuar menjëherë në drejtim të SHBA për të formalizuar këtë marrëveshje dhe të nënshkruajë kontratën me skuadrën e tij të re që do të jetë edhe etapa e fundit e karrierës së tij të jashtëzakonshme.
Në fillim Atletico Madrid rezistoi ndaj ofensivës së Orlando City për Griezmann për një shitje të menjëhershme të Griezmann tij në muajin mars, por tani drejtuesit e Los Colchoneros i dhanë lejen sulmuesit 35 vjeçar të largohet nga Madridi dhe të bëjë realitet ëndrrën e tij për të mbyllur karrierën në Major League Soccer, gjë që ai e ka shprehur shpesh në vitet e fundit.
