Pas sjelljeve të pahijshme ndërmjet deputetëve të BDI-së dhe VLEN-it, reagimin në emër të Grupit parlamentar të VLEN-it, për Gazetën Lajm dhe ‘Lajm tv”, e ka shpalosur deputeti Adnan Azizi, i cili tha se sot ka vazhduar seanca, që, sipas tij, “la një shije jo të këndëshme”. Kjo seancë ishte vazhdim i seancës së djeshme, me dy pika të Rendit të ditës dhe “jo me pika kontestuese”.
“Deputët e BDI-së, vetëm e vetëm për të krijuar provokim dhe për të provokuar mbi bazat e ndjenjave fetare, kërkuan brenda seancës dy herë pauzë, gjë të cilën nuk e lejon rregullorja e parlamentit. Kjo sjellje e tyre poashtu krijoi edhe një atmosferë jo të këndshme, madje edhe tek të kolegët të cilët nuk janë të përkatësisë islame, e të cilët na thonin që kjo bëhet me qëllim për të provokuar deputet e koaliconit VLEN, sepse ata nuk respektojnë agjërimin e asnjë normë fetare dhe absurd është ky reagim në këtë ditë të bëhet në këtë formë, edhe atë jo vetëm një herë por dy herë rradhazi. Është e çuditshme se pse ata kanë kaluar në një situatë frustrimi të paparë me ofendime, me reagime të çuditshme, madje duke ofenduar edhe zonja brenda parlamentit, gjë që është një situatë presedan në historinë e popullit shqiptar, ku një burrë ofendon një grua (pra, një kolegë e odfendon kolegen shqiptare).
Kishim edhe ne reagimet tona, por, meqë ishte muaji i Ramazanit, ne jemi kursyer ndaj gjithë atyre akuzave të pa baza, banaliteteve që ata po i thonë për VLEN-in duke u thirrë në vlera morale dhe kombëtare, gjë që s’e kanë as njërën, e as tjetrën. Ata i njohin të gjithë shqiptarët, sepse kanë dalë edhe përgjime, pikërisht për ata persona që janë të njollosur me amoralitet, me korrupsion, me kapje të pushtetit, me nepotizëm, me vjedhje, me hajn me “Lista të zeza” edhe me “Persona non-grata”.
Sidoqoftë ne jem kursyer për shkak të të muajit të Ramazanit që nuk toleron shumë ofendime, kundër replika, në qoftë se dikush të ofendon, është porosi profetike që ti të mos ia kthesh me të njejtën monedh, por të përpiqesh të bëhesh sa më i njerëzishëm, të përgjigjesh me edukatë, të jesh në suaza të normalitetit dhe vlerave etike.
Ky ka qenë qëndrimi dhe reagimi jonë. Megjithatë, sjella është në duart e atyre dhe jo në dorën tonë. Për në fund, shprehim keqardhje që shqiptarëve po i japin një imazh të keq. Në fund normal në emër të gjithë shqiptarëve dhe besimtarëve myslimanë, kërkoj që këto situata të mos përsëriten, por Ramazani të kaloj në paqe, në harmoni, dashuri, në respektim e njëri-tjetrit dhe festat e Bajramit t’i kalojmë në mënyrë sa më të mirë, sa më të gëzuar, sa më vllazërore.”, ka deklaruar për gazetën “Lajm” dhe “Lajm tv”, koordinatori I Grupit parlamentar të VLEN-t zoti Adnan Azizi.
