Sot, kryetari i Qytetit të Shkupit, Orce Gjorgjievski, me rastin e festës së madhe të Fitër Bajramit, shpërndau mbi 50 pako me produkte ushqimore për bashkëqytetarë të besimit islam, në bashkëpunim me zëvendësministrin për politikë sociale, demografi dhe të rinj, Gjoko Velkovski.
Me këtë aksion humanitar u përcoll një mesazh për solidaritet, bashkëjetesë dhe respekt të ndërsjellë, si vlera themelore të shoqërisë. U theksua rëndësia e humanizmit dhe e dorës së zgjatur në kohë kur mbështetja është më e nevojshme.
Me këtë rast, u dërgua edhe një urim për të gjithë besimtarët e besimit islam, me dëshira për shëndet, paqe dhe mirëqenie, si dhe një apel për kultivimin e bashkëjetesës dhe unitetit në Shkup.
