Kryetari i Komunës së Gostivarit, Valbon Limani sot promovoi asfaltimin e rrugës në Banjicë e Poshtme.
“Sot erdhëm për të parë punimet tashmë të përfunduara në Banjicë të Poshtme në gjatësi prej 260 metrash. Rikonstruktimi i kësaj rruge ishte i domosdoshëm për shkak të gjendjes së mëparshme të saj. Tani rruga është ndërtuar sipas standardeve më të larta të ndërtimit dhe do t’u shërbejë banorëve të kësaj zone për qarkullim më të sigurt dhe më të lehtë”, u shpreh Limani.
Asfaltimi i rrugës në Banjicë të Poshtme përfshin 260 metra asfaltim dhe lidh jo vetëm lagjet, por edhe disa fshatra të Gostivarit.
