E diela ishte një ditë e gëzueshme për Joan Laportën, pasi ai u konfirmua si presidenti i ardhshëm i Barcelonës për herë të katërt. Ai mori 68% të votave, ndërsa rivali i tij Victor Font arriti vetëm 30%.
Pasi u konfirmua si fitues i zgjedhjeve presidenciale, Laporta mbajti fjalimin e tij të fitores. Sipas Diario AS , ai i bëri homazh kolegëve të tij dhe votuesve.
“Para së gjithash, dua të falënderoj këtë klub të mrekullueshëm. Anëtarët votojnë për të vendosur se kush do t’i përfaqësojë ata dhe kjo është unike në botë. Një lartësim i Barçës që është i mrekullueshëm. Faleminderit Barçës. Dua gjithashtu të kujtoj të gjithë anëtarët që kanë votuar. Ata kanë udhëtuar në një ditë spektakolare, ka qenë një festë e demokracisë, qytetërimit dhe Barçës. Punëtorët tanë kanë bërë një punë të shkëlqyer. Gjithashtu falënderoj punën e bordit të drejtorëve të kryesuar nga Rafa Yuste. Faleminderit edhe bordit zgjedhor, për drejtimin e këtij festimi të Barçës. Ka qenë madhështor.”, u shpreh Laporta.
Fitorja e Laportës është e dyta më e madhe në historinë e zgjedhjeve presidenciale të Barcelonës, pasi ai mori 32,934 vota (i pari është Sandro Rosell me 35,021). Ai u krenua shumë me këtë sukses.
“Është një rezultat i jashtëzakonshëm dhe na jep shumë forcë. Na jep aq shumë forcë sa na bën të pandalshëm. Po vijnë disa vite emocionuese dhe ato do të jenë vitet tona më të mira.”
Laporta gjithashtu foli për Hansi Flick, i cili votoi pasi udhëhoqi Barcelonën e tij drejt një fitoreje 5-2 ndaj Sevillas në Spotify Camp Nou.
“Kërkoj një duartrokitje për të. Ai ka ndërmarrë hapin për të ardhur për të votuar, kërkoj gjithashtu një duartrokitje për Decon, Bojanin. Gjithashtu për të gjithë drejtuesit dhe atletët që kanë ardhur për të votuar. Falënderime të veçanta për Masip, Mañana, Jordi Finestres.”, tha në fund Laporta.
