Pjesë të Tetovës dhe të komunës së Bërvenicës sot do të mbeten përkohësisht pa energji elektrike për shkak të ndërprerjeve të planifikuara në furnizim, njoftojnë shërbimet përkatëse.
Sipas njoftimit, në Tetovë ndërprerja e rrymës do të jetë nga ora 08:45 deri në 12:00. Pa energji elektrike do të mbetet një pjesë e qytetit, përkatësisht objektet që ndodhen në lagjet Blloku 87 dhe Blloku 32, si dhe zona bujqësore, njofton TS.
Në Komunën e Bërvenicës, ndërprerje janë planifikuar në disa vendbanime. Në fshatin Bërvenicë rryma do të mungojë nga ora 09:00 deri në 14:00, në pjesën e hyrjes së qytetit.
Në fshatin Përshevcë ndërprerja është paraparë nga 09:30 deri në 14:00, ndërsa në fshatin Dobroshtë energjia elektrike do të mungojë nga 09:30 deri në 14:15, në pjesën pranë parkut.
Ndërprerje e planifikuar e energjisë elektrike do të ketë edhe në fshatin Gajre, ku nga ora 10:00 deri në 14:30 pa rrymë do të mbeten objektet në pjesën e sipërme të fshatit.
Nga institucionet përkatëse u bëhet thirrje qytetarëve që me kohë t’i përshtatin aktivitetet e tyre, ndërsa ekipet do të punojnë në realizimin e ndërhyrjeve të planifikuara në rrjetin e shpërndarjes së energjisë elektrike
