Ushtria amerikane ka njoftuar vdekjen e tre ushtarëve në luftime me Iranin, ndërsa konfirmoi se pesë të tjerë u plagosën rëndë. Sipas Komandës Qendrore të Shteteve të Bashkuara, disa ushtarë të tjerë pësuan lëndime të lehta dhe janë në proces të kthimit në detyrë.
Më tej Komanda thekson se operacionet e mëdha luftarake vazhdojnë dhe përgjigja e tyre është duke vazhduar. Në të njëjtën kohë, thekson se situata mbetet e paqëndrueshme. Ushtria tha se do të mbajë të fshehtë informacione shtesë përfshirë identitetin e viktimave deri në 24 orë pasi të njoftohen të afërmit e tyre.
