Ministrja e Arsimit dhe Shkencës, Prof.Dr. Vesna Janevska, mori pjesë në hapjen e Panairit të Arsimit dhe Karrierës 2026, i cili për të tretin vit radhazi organizohet nga Iniciativa
studentore Studentaria në bashkëpunim me Skopje City Mall. Në fjalën e saj drejtuar të
pranishmëve, ajo theksoi se bëhet fjalë për ide të shkëlqyer për promovimin e arsimit të lartë maqedonas dhe për lidhjen e institucioneve të arsimit të lartë me kompanitë dhe sektorin e biznesit, me synim përfundimtar-lehtësimin e të rinjve në zgjedhjen e fushës ku do të avancohen dhe do të punojnë.
“Shoh shumë të rinj-nxënës të shkollave të mesme që duhet të vendosin në udhëkryq se në cilin drejtim do të ecin, studentë që do të vazhdojnë të avancohen, ndërsa disa janë në kërkim të mundësive për punësim dhe karrierë në vendin e tyre. Nga ana tjetër, ka edhe kompani që ua ofrojnë këto mundësi të rinjve dhe unë me këtë rast i ftoj edhe të gjitha të tjerat t’i hapin dyert, t’i përmirësojnë kushtet materiale dhe jomateriale të punës, sepse vetëm kështu do t’i mbajmë brenda kufijve tanë dhe do t’u mundësojmë të kenë sukses personalisht dhe të kontribuojnë në zhvillimin e tyre”, theksoi Janevska.
Ministrja theksoi se beson në një të ardhme më të mirë për arsimin e lartë në Maqedoni, dhe ky është qëllimi për të cilin Qeveria është përkushtuar intensivisht gjatë periudhës së
deritanishme të mandatit.
„ Do ta arrijmë këtë qëllim përmes rritjes së vazhdueshme të buxhetit dhe përmes miratimit dhe zbatimit të zgjidhjes së re ligjore, e cila është në fazën e përgatitjes në bashkëpunim me universitetet dhe opinionin më të gjerë. Do të vendosë rend, programe të reja studimore, modernizim të atyre ekzistuese bashkëpunim më të madh ndërkombëtar, standard më të mirë studentor dhe nxitje e veprimtarisë shkencore” shtoi Janevska.
Ministrja shprehu pritshmëri që panairi do të shndërrohet në traditë dhe do të jetë i
suksesshëm , sepse, siç potencoi bëhet fjalë për iniciativë e të rinjve nga Maqedonia që e
duan vendin e tyre dhe janë të përkushtuar për përmirësimin e gjendjeve në atdheun e tyre dhe për mbajtjen e gjeneratave të reja brenda këtyre kufijve.
Janevska në Panairin e Arsimit dhe Karrierës në organizim të Studentarisë
